2016 جىلعى 5 قاڭتار, استانا قالاسى
قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ
سىبايلاس جەمقورلىققا قارسى ءىس-قيمىل ۇلتتىق بيۋروسى تۋرالى ەرەجەنى بەكىتۋ تۋرالى
«نورماتيۆتiك قۇقىقتىق اكتiلەر تۋرالى» قازاقستان رەسپۋبليكاسى زاڭى 29-بابى 1-تارماعىنىڭ 6) تارماقشاسىنا, «قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2015 جىلعى 26 جەلتوقسانداعى № 1081 قبپ قاۋلىسىنا سايكەس, بۇيىرامىن:
1. قوسا بەرىلىپ وتىرعان قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى تۋرالى ەرەجە (بۇدان ءارى – ەرەجە) بەكىتىلسىن.
2. قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى;
3) وسى بۇيرىقتى قازاقستان رەسپۋبليكاسى مەملەكەتتىك قىزمەت ىستەرى مينيسترلىگى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىق العاش رەسمي جاريالانعاننان كۇننەن باستاپ قولدانىسقا ەنگىزىلەدى.
مينيستر ت.دوناقوۆ
قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ
جاۋاپتى حاتشىسىنىڭ 2016 جىلعى 5 قاڭتارداعى №1 بۇيرىعىمەن
بەكىتىلگەن
قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا
قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) تۋرالى ەرەجە
1. جالپى ەرەجەلەر
1. قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) (بۇدان ءارى – ۇلتتىق بيۋرو) ورتالىق اتقارۋ ورگانىنىڭ قۇزىرەتى شەگىندە سىبايلاس جەمقورلىق قۇقىق بۇزۋشىلىقتاردىڭ الدىن الۋ, انىقتاۋ, جولىن كەسۋ, اشۋ جانە تەرگەۋ ماسەلەلەرى بويىنشا جانە قازاقستان رەسپۋبليكاسىنىڭ زاڭناماسىنا سايكەس وزگە دە فۋنكتسيالاردى جۇزەگە اسىراتىن قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ ۆەدومستۆوسى بولىپ تابىلادى.
2. ۇلتتىق بيۋرو ءوز قىزمەتىن قازاقستان رەسپۋبليكاسىنىڭ كونستيتۋتسياسىنا جانە قازاقستان رەسپۋبليكاسىنىڭ زاڭدارىنا, قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىنە, وزگە دە نورماتيۆتىك قۇقىقتىق اكتىلەرگە, وسى ەرەجەگە, سونداي-اق قازاقستان رەسپۋبليكاسى راتيفيكاتسيالاعان حالىقارالىق شارتتارعا سايكەس جۇزەگە اسىرادى.
3. ۇلتتىق بيۋرو رەسپۋبليكالىق مەملەكەتتىك مەكەمەنىڭ ۇيىمداستىرۋ-قۇقىقتىق نىسانىنداعى زاڭدى تۇلعا بولىپ تابىلادى, مەملەكەتتىك تىلدە ءوز اتاۋىمەن ءمورى جانە ءمورتاڭباسى, بەلگىلەنگەن ۇلگىدەگى بلانكىلەرى, سونداي-اق قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسى قارجى مينيسترلىگىنىڭ قازىناشىلىق ورگاندارىندا شوتتارى بار.
4. ۇلتتىق بيۋرو ازاماتتىق-قۇقىقتىق قاتىناستارعا ءوز اتىنان تۇسەدى.
5. ۇلتتىق بيۋرونىڭ, ەگەر زاڭناماعا سايكەس وعان ۋاكىلەتتىك بەرىلگەن بولسا, مەملەكەتتىڭ اتىنان ازاماتتىق-قۇقىقتىق قاتىناستاردىڭ تاراپى بولا الادى.
6. ۇلتتىق بيۋرو ءوز قۇزىرەتىنىڭ ماسەلەلەرى بويىنشا قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ۇلتتىق بيۋرو توراعاسىنىڭ بۇيرىقتارىمەن رەسىمدەلەتىن شەشىمدەر قابىلدايدى.
7. ۇلتتىق بيۋرونىڭ قۇرىلىمى مەن شتات سانىن مەملەكەتتىك قىزمەت ىستەرى مينيسترىمەن (بۇدان ءارى - مينيستر) كەلىسىلگەننەن كەيىن ۇلتتىق بيۋرو توراعاسىنىڭ ۇسىنۋى بويىنشا مينيسترلىكتىڭ جاۋاپتى حاتشىسى بەكىتەدى.
8. ۇلتتىق بيۋرونىڭ زاڭدى مەكەنجايى: پوچتا يندەكسى 010000, قازاقستان رەسپۋبليكاسى, استانا قالاسى, الماتى اۋدانى, سەيفۋللين كوشەسى, 37.
9. ۇلتتىق بيۋرونىڭ تولىق اتاۋى – «قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى (سىبايلاس جەمقورلىققا قارسى قىزمەت)» رەسپۋبليكالىق مەملەكەتتىك مەكەمەسى.
10. وسى ەرەجە ۇلتتىق بيۋرونىڭ قۇرىلتاي قۇجاتى بولىپ تابىلادى.
11. ۇلتتىق بيۋرونىڭ قىزمەتىن قارجىلاندىرۋ رەسپۋبليكالىق بيۋدجەتتەن جۇزەگە اسىرىلادى.
12. ۇلتتىق بيۋروعا كاسىپكەرلىك سۋبەكتىلەرمەن ۇلتتىق بيۋرونىڭ فۋنكتسيالارى بولىپ تابىلاتىن مىندەتتەردى ورىنداۋ مانىنە شارتتىق قاتىناستارعا تۇسۋگە رۇقسات ەتىلمەيدى.
2. ۇلتتىق بيۋرونىڭ مىندەتتەرى, فۋنكتسيالارى, قۇقىقتارى مەن مىندەتتەمەلەرى
13. ۇلتتىق بيۋرونىڭ مىندەتتەرى:
1) جەكە جانە زاڭدى تۇلعالاردىڭ, قوعام مەن مەملەكەتتىڭ قۇقىقتارىن, بوستاندىقتارى مەن زاڭدى مۇددەلەرىن قورعاۋ;
2) سىبايلاس جەمقورلىق قۇقىق بۇزۋشىلىقتاردىڭ الدىن الۋ, انىقتاۋ, جولىن كەسۋ, اشۋ جانە تەرگەۋ ماسەلەلەرى بويىنشا مەملەكەتتىك ساياساتتى ازىرلەۋگە جانە ىسكە اسىرۋعا قاتىسۋ;
3) سىبايلاس جەمقورلىق قۇقىق بۇزۋشىلىقتاردىڭ الدىن الۋ, انىقتاۋ, جولىن كەسۋ, اشۋ جانە تەرگەۋ.
14. ۇلتتىق بيۋرونىڭ فۋنكتسيالارى:
1) سىبايلاس جەمقورلىققا قارسى ءىس-قيمىل سالاسىنداعى ستراتەگيالاردى جانە باعدارلامالاردى ازىرلەۋگە جانە ىسكە اسىرۋعا قاتىسۋ;
2) قازاقستان رەسپۋبليكاسىنىڭ پرەزيدەنتىنە سىبايلاس جەمقورلىققا قارسى ءىس-قيمىل ۇلتتىق باياندامانى دايىنداۋعا قاتىسۋ;
3) قىلمىستىق جانە اكىمشىلىك قۇقىق بۇزۋشىلىق تۋرالى ارىزداردى, حابارلامالاردى جانە وزگە اقپاراتتى قابىلداۋ, تىركەۋ جانە قاراۋ;
4) سوتقا دەيىنگى تەرگەپ-تەكسەرۋدى, ونىڭ ىشىندە الدىن الا تەرگەۋ, انىقتاۋ جانە حاتتامالىق نىساندا جۇرگىزۋ;
5) قىلمىستىق پروتسەسكە قاتىساتىن ادامداردىڭ قاۋىپسىزدىگىن قامتاماسىز ەتۋ;
6) جەدەل-ىزدەستىرۋ قىزمەتىن ۇيىمداستىرۋ جانە جۇزەگە اسىرۋ;
7) جاريا ەمەس تەرگەۋ ارەكەتتەرىن, جالپى جانە ارنايى جەدەل-ىزدەستىرۋ ءىس-شارالارىن جۇرگىزۋ بارىسىندا ارنايى جانە باسقا تەحنيكالىق قۇرالداردى قولدانۋ;
8) ۇلتتىق بيۋروعا بولىنگەن بيۋدجەتتىك قارجات شەگىندە, جەدەل-ىزدەستىرۋ قىزمەتىن قارجىلىق جانە ماتەريالدىق-تەحنيكالىق جابدىقتاۋ;
9) تەرگەۋدەن, انىقتاۋدان نەمەسە سوتتان جاسىرىنىپ جۇرگەن ىزدەۋدەگى ادامداردىڭ تۇراتىن جەرىن انىقتاۋ جانە ۇستاۋ;
10) سىبايلاس جەمقورلىق قۇقىق بۇزۋشىلىقتار جانە قىلمىستار بويىنشا جەدەل-ىزدەستىرۋ, اكىمشىلىك, تەرگەۋ قىزمەتى تاجىريبەسىنە تالداۋ جۇرگىزۋ;
11) ۇلتتىق بيۋرونىڭ اۋماقتىق ورگاندارىنىڭ قىزمەتىن باقىلاۋ, ۇيلەستىرۋ جانە باعالاۋ;
12) ۆەدومستۆولىق ستاتيستيكانى قالىپتاستىرۋ;
13) سىبايلاس جەمقورلىق قىلمىستار تۋرالى قىلمىستىق ىستەر بويىنشا تاركىلەنگەن م ۇلىكتى جانە ادەتتە, قىلمىستىق جولمەن تابىلعان قاراجاتقا الىنعان م ۇلىكتى مەملەكەتتىڭ كىرىسىنە اينالدىرۋ تۋرالى اقپاراتتى كەيىن جاريالاۋمەن ىسكە اسىرۋعا مونيتورينگتى جۇزەگە اسىرۋ;
14) سىبايلاس جەمقورلىق قۇقىق بۇزۋشىلىقتاردى انىقتاۋ جانە الدىن الۋ تۇرعىسىنان الەۋمەتتىك-ەكونوميكالىق سالانىڭ كريمينوگەندىك جاعدايىن تالداۋ;
15) باسقا قۇقىق قورعاۋ جانە ارناۋلى ورگانداردان, ونىڭ ىشىندە شەت مەملەكەتتەردىڭ قۇزىرەتتى ورگاندارىنان كەلىپ تۇسكەن وتىنىشتەردى جانە سۇراۋ سالۋلاردى ورىنداۋ;
16) سىبايلاس جەمقورلىق قۇقىق بۇزۋشىلىقتاردىڭ الدىن الۋ, انىقتاۋ, جولىن كەسۋ, اشۋ جانە تەرگەۋ ماسەلەلەرى بويىنشا باسقا مەملەكەتتىك ورگاندارمەن, ۇيىمدارمەن جانە شەتەل مەملەكەتتەرىنىڭ ءتيىستى ورگاندارىمەن ءوز قۇزىرەتى شەگىندە ءوزارا ءىس-قيمىل جاساۋ;
17) اقپاراتتىق قاۋىپسىزدىك ساياساتتى ىسكە اسىرۋ, ۇلتتىق بيۋرونىڭ تەحنيكالىق جانە اقپاراتتىق قاۋىپسىزدىگىن قامتاماسىز ەتۋ جانە جەتىلدىرۋ;
18) تەرگەۋ-جەدەل قىزمەت ماسەلەلەرى بويىنشا ۇلتتىق بيۋروعا جۇكتەلگەن مىندەتتەدى شەشۋدى قامتاماسىز ەتەتىن اقپاراتتىق جۇيەلەردى قۇرۋ جانە پايدالانۋ;
19) ۇلتتىق بيۋرونىڭ اكىمشىلىك عيماراتتارىن قورعاۋ رەجىمىن جانە وتكىزۋ رەجىمىن قامتاماسىز ەتۋ;
20) ۇلتتىق بيۋرونىڭ قارۋلاندىرۋىندا تۇرعان قارۋلاردىڭ, وق-دارىلەردىڭ, ارنايى قۇرالداردىڭ ساقتالۋىن ەسەپكە الۋ جانە باقىلاۋ;
21) بەيبىت جانە سوعىس ۋاقىتىندا توتەنشە جاعدايلار تۋىنداعان كەزدە ۇلتتىق بيۋرونىڭ جۇمىسىنىڭ تۇراقتىلىعىن ارتتىرۋ, جۇمىلدىرۋ دايارلىعى;
22) مەملەكەتتىك قۇپيالاردى قورعاۋدى قامتاماسىز ەتۋ جانە قۇپيالىق رەجىمنىڭ ساقتالۋىن ۆەدومستۆولىق باقىلاۋ;
23) ۇلتتىق بيۋرونىڭ بىرىڭعاي كادر ساياساتىن ازىرلەۋ جانە ىسكە اسىرۋ;
24) ۇلتتىق بيۋرونىڭ جەكە قۇرامىنىڭ اراسىنداعى قۇقىق بۇزۋشىلىقتاردىڭ الدىن الۋ جانە جولىن كەسۋ;
25) ادامنىڭ جانە ازاماتتىڭ قۇقىقتارى مەن بوستاندىقتارىن قوزعايتىن نورماتيۆتىك قۇقىقتىق اكتىلەردى قوسپاعاندا, ۆەدومستۆونىڭ قۇزىرەتىنە كىرەتىن ماسەلەلەر بويىنشا جانە مينيستىرلىكتىڭ اكتىلەرىندە ولاردى بەكىتۋ بويىنشا تىكەلەي قۇزىرەتتەر بولعان جاعدايدا نورماتيۆتىك قۇقىقتىق اكتىلەردى بەكىتۋ;
26) قازاقستان رەسپۋبليكاسىنىڭ زاڭناماسىندا كوزدەلگەن وزگە فۋنكتسيالاردى جۇزەگە اسىرۋ.
15. ۇلتتىق بيۋرونىڭ قۇقىقتارى:
1) ادامنىڭ جانە ازاماتتىڭ قۇقىقتارى مەن بوستاندىقتارىن قوزعايتىن نورماتيۆتىك قۇقىقتىق اكتىلەردى قوسپاعاندا, ۇلتتىق بيۋرونىڭ قۇزىرەتىنە كىرەتىن ماسەلەلەر بويىنشا نورماتيۆتىك قۇقىقتىق اكتىلەردى مينيسترلىكتىڭ كەلىسمى بويىنشا ازىرلەۋ جانە بەكىتۋ;
2) سىبايلاس جەمقورلىققا قارسى ءىس-قيمىل بويىنشا باعدارلامالىق قۇجاتتاردى ازىرلەۋگە جانە ىسكە اسىرۋعا قاتىسۋ;
3) سىبايلاس جەمقورلىققا قارسى ءىس-قيمىل سالاسىندا نورماتيۆتىك-قۇقىقتىق بازانى جەتىلدىرۋ بويىنشا ۇسىنىستار ازىرلەۋ;
4) قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن تەرگەۋ ارەكەتتەرىن جۇرگىزۋ, پروتسەستىك شەشىمدەردى قابىلداۋ جانە جەدەل-ىزدەستىرۋ ءىس-شارالارىن جۇزەگە اسىرۋ;
5) مەملەكەتتىك ورگاندارعا, ۇيىمدارعا جانە ولاردا باسقارۋشىلىق فۋنكتسيالاردى ورىندايتىن ادامدارعا قازاقستان رەسپۋبليكاسىنىڭ قىلمىستىق-پروتسەستىك زاڭناماسىندا بەلگىلەنگەن تارتىپپەن, ءمان-جايلاردى نەمەسە زاڭدى باسقا دا بۇزۋشىلىقتاردى جويۋ جونىندە شارالار قابىلداۋ تۋرالى ۇسىنىستار ەنگىزۋ;
6) قىلمىستىق-پروتسەستىك زاڭناماعا جانە (نەمەسە) اكىمشىلىك قۇقىق بۇزۋشىلىق تۋرالى زاڭناماعا سايكەس قۇجاتتاردى, تاۋارلاردى, زاتتاردى نەمەسە وزگە دە م ۇلىكتى الىپ قويۋ نەمەسە الۋدى جۇرگىزۋ;
7) قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا, ۋاكىلەتتى ورگاندار مەن لاۋازىمدى ادامداردان رەۆيزيالار, سالىقتىق جانە باسقا دا تەكسەرۋلەر, مەملەكەتتىك اۋديت جانە باعالاۋ جۇرگىزۋدى تالاپ ەتۋ;
8) زاڭنامادا كوزدەلگەن تارتىپتە ءتيىستى ۋاقىتشا ۇستاۋ يزولياتورلارىن, تەرگەۋ يزولياتورلارىن پايدالانۋ;
9) مەملەكەتتىك ورگانداردان, ۇيىمداردان, لاۋازىمدىق جانە جەكە تۇلعالاردان قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قاجەتتى اقپاراتتار مەن ماتەريالداردى سۇراتۋ جانە الۋ;
10) ءوزارا اقپارات الماسۋدى, ونىڭ ىشىندە زاڭنامادا بەلگىلەنگەن تارتىپپەن ەلەكتروندىق تاسىلمەن قامتاماسىز ەتە وتىرىپ, ۇلتتىق بيۋرونىڭ قۇزىرەتىنە كىرەتىن ماسەلەلەر بويىنشا مەملەكەتتىك ورگاندارمەن جانە ۇيىمدارمەن, باسقا قۇقىق قورعاۋ ورگاندارىمەن, حالىقارالىق ۇيىمدارمەن ءوزارا ءىس-قيمىلدى جۇزەگە اسىرۋ;
11) ۇلتتىق بيۋرونىڭ جۇرگىزۋىنە جاتاتىن ماسەلەلەر بويىنشا شەت مەملەكەتتەردىڭ ءتيىستى ورگاندارىمەن, حالىقارالىق ۇيىمدارمەن ىنتىماقتاسۋ, سونداي-اق سىبايلاس جەمقورلىققا قارسى ءىس-قيمىل سالاسىنداعى حالىقارالىق شارتتاردى جاساسۋ جانە قوسىلۋ بويىنشا مينيستىرلىككە ۇسىنىستار ەنگىزۋ;
12) ۇلتتىق بيۋروعا جۇكتەلگەن مىندەتتەردى شەشۋدى قامتاماسىز ەتەتىن اقپاراتتىق جۇيەنى پايدالانۋ, سوتقا دەيىنگى تەرگەپ-تەكسەرۋ بارىسىندا زەرتتەۋدى, قازاقستان رەسپۋبليكاسىنىڭ زاڭناماسىنا سايكەس اكىمشىلىك قۇقىق بۇزۋشىلىقتار تۋرالى ىستەر بويىنشا ءىس جۇرگىزۋدى ۇيىمداستىرۋ;
13) اتىس جانە وزگە قارۋدى, ارنايى قۇرالداردى الىپ ءجۇرۋ, ساقتاۋ جانە قولدانۋ, سونداي-اق قاجەت بولعان جاعدايدا قول كۇشىن, ونىڭ ىشىندە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جاۋىنگەرلىك كۇرەس تاسىلدەرىن قولدانۋ;
14) ۇلتتىق بيۋرونىڭ جانە ونىڭ اۋماقتىق بولىمشەلەرى قىزمەتكەرلەرىنىڭ (جۇمىسكەرلەرىنىڭ) قىزمەتىندەگى ىشكى قاۋىپسىزدىكتىڭ قامتاماسىز ەتىلۋىن جانە زاڭدىلىقتىڭ ساقتالۋىن قامتاماسىز ەتۋ بويىنشا شارالار قابىلداۋ;
15) قازاقستان رەسپۋبليكاسىنىڭ زاڭناماسىنا سايكەس سوتقا ارىز-تالاپتاردى ۇسىنۋ;
16) قازاقستان رەسپۋبليكاسىنىڭ زاڭناماسىندا كوزدەلگەن وزگە قۇقىقتاردى جۇزەگە اسىرۋ.
16. ۇلتتىق بيۋرونىڭ مىندەتتەرى:
1) قۇقىق بۇزۋشىلىقتار تۋرالى وتىنىشتەردى, حابارلامالاردى, شاعىمدار مەن باسقا دا اقپاراتتاردى قابىلداۋ, تىركەۋ, ەسەپكە الۋ جانە قاراستىرۋ كەزىندەگى زاڭدىلىقتى ساقتاۋ;
2) قىلمىستىق ىستەر بويىنشا زاتتاي ايعاقتاردى, سوتقا دەيىنگى تەرگەپ-تەكسەرۋدىڭ مەرزىمى توقتاتىلعان قىلمىستىق ىستەردى ەسەپكە الۋ جانە ساقتاۋ;
3) پروكۋرورلىق ىقپال ەتۋ جانە سوت اكتىلەرىن قاراۋ;
4) اكىمشىلىك قۇقىق بۇزۋشىلىق تۋرالى حاتتامالاردى جاساۋ جانە ىستەردى قاراۋ, اكىمشىلىك ۇستاۋدى جۇزەگە اسىرۋ, سونداي-اق اكىمشىلىك قۇقىق بۇزۋشىلىق تۋرالى زاڭنامادا كوزدەلگەن باسقا دا شارالاردى قولدانۋ;
5) قىلمىستىق ىستەر وندىرىسىندەگى شاقىرۋ بويىنشا كەلۋدەن جالتارعان ادامداردى كۇشتەپ اكەلۋ;
6) ۇستالعان جانە قاماۋعا الىنعان ادامداردى ايداپ الىپ كەلۋ;
7) ىزدەۋدەگى ادامداردىڭ ورنالاسۋ جەرىن انىقتاۋ جانە ۇستاۋ بويىنشا ءىس-شارالار جۇرگىزۋ;
8) ۇلتتىق بيۋرونىڭ بەلگىلەنگەن قۇزىرەتى شەگىندە ىزدەۋدەگى ادامداردى الىپ كەلۋدى ۇيىمداستىرۋ;
9) ءوز قىزمەتىن جۇزەگە اسىرۋ كەزىندە قىزمەتتىك ءتارتىپتى جانە قۇپيالىق رەجىمدى ساقتاۋ;
10) ۇلتتىق بيۋرونىڭ جانە ونىڭ اۋماقتىق بولىمشەلەرىنىڭ قىزمەتكەرلەرىن (جۇمىسكەرلەرىن) دايارلاۋدى, قايتا دايارلاۋدى جانە بىلىكتىلىگىن ارتتىرۋدى جۇزەگە اسىرۋ;
11) قازاقستان رەسپۋبليكاسىنىڭ زاڭناماسىندا كوزدەلگەن وزگە مىندەتتەردى جۇزەگە اسىرۋ.
3. قىزمەتتى ۇيىمداستىرۋ
17. ۇلتتىق بيۋرونى باسقارۋدى ۆەدومستۆوعا جۇكتەلگەن مىندەتتەردىڭ ورىندالۋىنا جانە ونىڭ ءوز فۋنكتسيالارىن جۇزەگە اسىرۋعا دەربەس جاۋاپتىلىقتا بولاتىن توراعا جۇزەگە اسىرادى.
18. ۇلتتىق بيۋرونىڭ توراعاسىن قازاقستان رەسپۋبليكاسىنىڭ پرەزيدەنتى قىزمەتكە تاعايىندايدى جانە قىزمەتتەن بوساتادى.
19. ۇلتتىق بيۋرو توراعاسىنىڭ قازاقستان رەسپۋبليكاسىنىڭ زاڭناماسىنا سايكەس قىزمەتكە تاعايىندالاتىن جانە قىزمەتتەن بوساتىلاتىن ەكى ورىنباسارى بولادى.
20. ۇلتتىق بيۋرو توراعاسىنىڭ وكىلەتتىكتەرى:
1) ۇلتتىق بيۋروعا جۇكتەلگەن مىندەتتەرگە سايكەس ونىڭ قىزمەتىن ۇيىمداستىرادى جانە جالپى باسشىلىقتى جۇزەگە اسىرادى;
2) جالپى شتات سانىنىڭ شەڭبەرىندە ۇلتتىق بيۋرونىڭ جانە ونىڭ اۋماقتىق ورگاندارىنىڭ قۇرىلىمى بويىنشا ۇسىنىستاردى مينيسترلىككە قاراۋعا ەنگىزەدى;
3) تاعايىندالۋى مەن قىزمەتتەن بوساتىلۋى قازاقستان رەسپۋبليكاسىنىڭ زاڭناماسىمەن ونىڭ قۇزىرەتىنە جاتقىزىلاتىن ۇلتتىق بيۋرونىڭ قىزمەتكەرلەرىن (جۇمىسكەرلەرىن) قىزمەتكە تاعايىندايدى جانە قىزمەتتەن بوساتادى;
4) ءوزىنىڭ ورىنباسارلارىنىڭ, ۇلتتىق بيۋرونىڭ جانە اۋماقتىق ورگاندارى قىزمەتكەرلەرىنىڭ (جۇمىسكەرلەرىنىڭ) وكىلەتتىكتەرىن انىقتايدى;
5) ۇلتتىق بيۋرونىڭ اۋماقتىق ورگاندارى تۋرالى ەرەجەنى بەكىتەدى;
6) زاڭنامادا بەلگىلەنگەن تارتىپپەن ۇلتتىق بيۋرو توراعاسىنىڭ ورىنباسارلارىن جانە ۇلتتىق بيۋرونىڭ جانە ونىڭ اۋماقتىق بولىمشەلەرىنىڭ قىزمەتكەرلەرىن (جۇمىسكەرلەرىن) ىسساپارعا جىبەرۋ, ەڭبەك دەمالىسىن بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, كوتەرمەلەۋ ماسەلەلەرىن شەشەدى;
7) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ۇلتتىق بيۋرونىڭ جانە ونىڭ اۋماقتىق ورگاندارىنىڭ قىزمەتكەرلەرىنە (جۇمىسكەرلەرىنە) قاتىستى تارتىپتىك جاۋاپتىلىق شارالارىن قولدانادى;
8) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ۇلتتىق بيۋرونىڭ جانە ونىڭ اۋماقتىق ورگاندارىنىڭ قىزمەتكەرلەرىنە بىلىكتىلىك سىنىپتارىن بەرەدى;
9) قازاقستان رەسپۋبليكاسىنىڭ مىندەتتى ارنايى تەكسەرۋدەن وتكەن ازاماتتارىن ۇلتتىق بيۋرونىڭ كادر قۇرامىنا قابىلدايدى;
10) ادامنىڭ جانە ازاماتتىڭ قۇقىقتارى مەن بوستاندىقتارىن قوزعايتىن نورماتيۆتىك قۇقىقتىق اكتىلەردى قوسپاعاندا, ۇلتتىق بيۋرونىڭ قۇزىرەتىنە كىرەتىن ماسەلەلەر بويىنشا جانە مينيستىرلىكتىڭ اكتىلەرىندە ولاردى بەكىتۋ بويىنشا تىكەلەي قۇزىرەتتەر بولعان جاعدايدا نورماتيۆتىك قۇقىقتىق اكتىلەردى بەكىتەدى;
11) ءوز قۇزىرەتى شەگىندە بۇيرىقتار, ۇلتتىق بيۋرو جانە ونىڭ اۋماقتىق ورگاندارىنىڭ قىزمەتكەرلەرى (جۇمىسكەرلەرى) ورىنداۋ ءۇشىن مىندەتتى بۇيرىقتار شىعارادى جانە نۇسقاۋ بەرەدى;
12) ۇلتتىق بيۋرونىڭ جانە ونىڭ اۋماقتىق ورگاندارىنىڭ قىزمەتكەرلەرىن (جۇمىسكەرلەرىن) مەملەكەتتىك ناگرادالارمەن ماراپاتتاۋ تۋرالى ۇسىنىستاردى مينيسترلىككە ەنگىزەدى;
13) زاڭناماعا سايكەس مەملەكەتتىك ورگاندارمەن جانە وزگە دە ۇيىمدارمەن قارىم-قاتىناستاردا ۇلتتىق بيۋرونى بىلدىرەدى;
14) ۇلتتىق بيۋرونىڭ زاڭ بولىمشەسىنە جەتەكشىلىك ەتەدى;
15) ءوز قۇزىرەتىنە كىرەتىن وزگە دە ماسەلەلەر بويىنشا شەشىمدەر قابىلدايدى.
ۇلتتىق بيۋرونىڭ توراعاسى بولماعان كەزەڭدە ونىڭ مىندەتتەرىن توراعانىڭ تاپسىرماسى بويىنشا ونىڭ ورىنباسارلارىنىڭ ءبىرى جۇزەگە اسىرادى.
21. ۇلتتىق بيۋرونىڭ توراعاسى ۇلتتىق بيۋرونىڭ جانىندا كونسۋلتاتيۆتى-كەڭەسشى ورگان قۇرۋعا قۇقىعى بار.
4. ۇلتتىق بيۋرونىڭ مۇلكى
22.ۇلتتىق بيۋرونىڭ قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا جەدەل باسقارۋ قۇقىعىندا وقشاۋلانعان مۇلكى بولادى.
ۇلتتىق بيۋرونىڭ مۇلكى, ونىڭ مەنشىگىنە بەرىلگەن, سونداي-اق قازاقستان رەسپۋبليكاسىنىڭ زاڭناماسىمەن تىيىم سالىنباعان وزگە دە كوزدەردەن جانە مەنشىكتىك قىزمەتتەر ناتيجەسىندە الىنعان م ۇلىكتەر ەسەبىنەن (اقشا كىرىستەرىن قوسا العاندا) قۇرالادى.
23. ۇلتتىق بيۋرونىڭ وزىنە بەكىتىلگەن م ۇلىك رەسپۋبليكا مەنشىگىنە جاتادى.
24. ۇلتتىق بيۋرونىڭ وزىنە بەكىتىلگەن م ۇلىكتى جانە قارجىلاندىرۋ جوسپارى بويىنشا بەرىلگەن قۇرالدار ەسەبىنەن الىنعان م ۇلىكتى قازاقستان رەسپۋبليكاسىنىڭ زاڭناماسىندا ەگەر وزگەشە بەلگىلەنبەسە ءوز بەتىنشە يەلىكتەن شىعارۋعا نەمەسە وزگەلەي تاسىلمەن يەلىك ەتۋگە قۇقىعى جوق.
5. ۇلتتىق بيۋرونى قايتا ۇيىمداستىرۋ جانە تاراتۋ
25. ۇلتتىق بيۋرونى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 11 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12838 بولىپ ەنگىزىلدى.